《讀者請教》
一直同自己親娘既關係唔好，佢眼入面只有錢，冇朋友，親戚都離佢遠一遠，所以同老公有能力就即刻結婚。婚前婚後一直有俾家用，每月五千，直到上年疫情冇工返又發現有左，都俾家用俾到臨生先停，大肚、生b、坐月，親娘完全冇幫過忙。
而家請到工人，agent fee，酒店隔離，檢測，保險，驗身樣樣錢 ，都係想有人幫下新手媽媽我，點知親娘又問我拎五千過年 ，話過年開支好大，話我好耐冇俾家用，親爸係疫情下收入冇影響，反而我地支出就越黎越大，事實上每年佢都唔封利是，唔拜年，何來支出？明知係搵借口攞錢，但係就好嬲佢由頭到尾都冇體諒過，把口就話幾時開始冇俾家用，又唔諗下我地停工咁耐都俾到生仔。
到底係咪要俾晒個孫d利是錢佢先安落？雖然同親爸關係良好，但係親爸唔想親媽日日夜夜話我不孝，如果唔俾，親爸又日日夜夜俾佢煩。如果俾，我條氣好唔順，下次又會要求俾幾多。當做好做女既本份俾小小，又一定俾佢鬧，親爸又會俾佢煩，求賜教🙏
＃我的極品四大長老
Search